Tigbauan Emergency Responder Team

"Servare Vitas"

(to save lives)

 MUNICIPAL DISASTER COORDINATING COUNCIL HOLD A 4-DAY DISATER PREPAREDNESS TRAINING

Lifesaving Course (Water Search and Rescue-WASAR)

 An ounce of prevention is better than a pound of cure! Amo ini nga mga hulubaton ang masami naton mabatian natuhoy sa pagpreparar ukon pagtapna sang kun anano man nga sitwasyon nga aton mahimo masumalang. Apang ang nasambit nga hulubaton wala makatapna sangt kabaskog ni Bagyo Frank nga nagkuha sang kapin diese-sais ka kabuhi sadtong Hunyo 21, 2008. Bangud sang halit nga gin bilin ni Bagyo frank, and Municipal disater Coordinating Council (MDCC) nga gina pangunahan sang Chairman kag Mayor sang banwa James Excel Torres nagpatigayon sang isa ka Disaster Preparedness Training kag lifesaving Course (Water Search and Rescue-WASAR) ang ini nga programa gin pasakupan sang nagkalain-lain nga Barangay paagi sa pagpadala sang ila representante subong man sang mga membro sang Coastal Premier Responder - Tigbauan Chapter, Philippine National Police kag ang Bureau of Fire Protection (BFP) Personnel and volunteers. Kapin sa nobenta y singko (95) ka tawo angt ngapasakop sa sulod sang apat (4) ka adlaw nga training.

Ang programa ginsuguran sa una nga adlaw sang pagtudlo sa mga deligado sang First Aid nga ginpangunahan sang Municipal Health Officer nga si dra. Josefa Monserate kag ni Mr. Kenny Arias, Information Officer kag isa man ka lisensyado nga First Aider sang Red Cross. Sa ika duha nga adlawanf partisepante gin hanas liwat sang ila ihibalo tuhoy sa first aid sang sila ginhatagan sang accident situation kag gin paresponder ang kada grupo. Kasubong man, sila ang gin hanas sa paglangoy, water search and rescue kag paggamit sang nagkalain-lain nga sahi sang paghigot ukon knotting nga ginpatigayon ni PO1 Vicente Ricardo Santuyo kag ni Mr. Wendell T. Tamorite, MDCC Action Officer kag Municipal Coordinator-Coastal Premier Responder. Ang ikatatlo nga adflaw gin reserba para sa Lifeboat Handling nga gin hatag ni Capt. Gert Heynes, PCGA, Squadron Chief, 605th Squadron. Si mr. jerry Bionat, Provincial Disaster Coordinating Council, Executive Officer nag gamit sang ika-apat nga adlaw sa pagpaambit sang mga topiko kasubong sang Philippine Disaster Management System, Weather Hazards, Incident Command System kag madamo pa nga mapuslanon nga ihibalo tuhoy sa pagresponder sa tion sang kalamidad.

Ang apat ka adlaw nga Lifesaving Course gin tapos paagi sa pag panghatag sang uniporme sa tagsa tagsa ka volunteers agud sila mangin lehitimo nga membro sang TIGER ukon Tigbauan Emergency responder. Ang ila gradwasyon gin patigayon sang Nobyembre 10, 2008 sa Flag Ceremony sang lokal nga Gobyerno agud sila mapasidunggan kag ma rekognisar sang aton lokal nga opisyales sang banwa.

Ang Tigbauan isa sa apat ka banwa nga nag responder sa panawagan ni PDCC Executive Officer Mr. Jerry Bionat nga magtukod kag mag hanas sang grupo sg mga responder. Ini man ang gin dayaw sang isa sa mga tagtudlo sa persona ni Capt. Gert Heynes, PCGA, Squadron Chief, 605th Squadron, bangud sang kahirup kag ka dedikado sang tagsa ka volunteer responder nga gin hanas.

Si Mayor James Excel Torres nagpahayag nga ang nasambit nga training indi man naton mapuslan kung wala sing nagakaigo nga mga kinahanglanon ang aton TIGER (Tigbauan Emergency Responder) kasubong sang life jacket, lifeboat, lubid, flashlight, kag iban pa nga mga galamiton tuhoy sa emerhensya.  Gani nagpasalig sya kaupod ang mga lokal nga opisyales nga ila tinguhaan nga makabakal sang mga galamiton sang TIGER bisan ginakulang kita sang pundo.

OFFICIAL MEMBERS